Qyzylorda oblysynda Nartaı Bekejanovtyń syrnaıy tabyldy

QYZYLORDA. KAZINFORM — Qyzylorda oblysynda belgili óner maıtalmany Nartaı Bekejanovtyń syrnaıy tabyldy.

Nartaı Bekejanov 1890 jyly Qyzylorda oblysy Shıeli aýdanynda dúnıege kelgen.

1954 jyly Almaty qalasynda ómirden ótken. 

Aqyn halyq ánderin sheber oryndaýmen qatar ózi de ánder («Tolqyn», «Nartaı sazy», «Ósıet terme») shyǵardy.

Jergilikti óńirde óner men mádenıetti damytý jolynda aýqymdy eńbek atqardy.

Qundy jádiger Shıeli aýdany «Tóńkeris» aýylynyń turǵyny Begaıym Seıitjanovanyń sandyǵynda saqtalǵan.

Aýyl turǵyny Іlesbek qarııanyń aıtýynsha, anasy Begaıym ánge beıim, sózge sheshen bolǵan.

1943 jyly 6-7 synyp oqyp júrgen kezinde Almatydan Roza Baǵlanova kelip, kontsert qoıady. Sol keshte mektep oqýshylary da án aıtypty.

Jas talanttyń dara daýysyn erekshe baǵalaǵan ánshi oǵan ózimen birge alyp ketýge usynys jasaıdy. Biraq, qart ákesi jalǵyz qyzyn jibermepti. 

«Anamyz Nartaı Bekejanovtyń qaryndasy bolyp keledi. Bala kúnimizde úıde bir aspap turatyn. Ony aq matamen orap, sandyǵyna salyp qoıatyn. Sodan neshe jyldaı saqtaýly jatty. Nartaı bul syrnaıymen 1936 jyly Máskeýdegi qazaq ádebıeti men óneriniń onkúndiginde án aıtqan. Buǵan 1990 jyly „Jazýshy“ baspasynan jaryq kórgen „Amanat“ kitabyndaǵy sýret dálel», — deıdi Іlesbek aǵamyz.

Qazir qundy jádiger Nartaı án mektebiniń jarqyn ókili Dáýlethan Іzbasqanǵa tabystalǵan.