Qyzylorda oblysynda memleketten kómek alýshylardy qysqartýdan 1,5 mlrd teńge únemdeldi

QYZYLORDA. KAZINFORM – Memleketten kómek alýshylar sanyn qysqartý esebinen Qyzylorda oblysynda 1,5 mlrd teńge únemdeldi. 

Byltyr Úkimettiń keńeıtilgen otyrysynda Prezıdent memleket kómegi tek shyn muqtajdarǵa berilýi kerek ekenin aıtqan bolatyn. Osyǵan oraı qala, aýdan ákimdikteri janynan monıtorıngtik toptar qurylyp, kómek alýshylar sanyn 30%-ǵa tómendetý josparlandy.

– Byltyr jospar 31,5%-ǵa oryndalyp, 1,5 mlrd teńge qarjy únemdeldi. Sóıtip, 33 759 adamǵa 3,1 mlrd teńge, alty jastaǵy 10 330 balaǵa 413,3 mln teńge qosymsha tólendi, - dedi oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Janar Dáýletbaeva. 

Eske salsaq, Prezıdent Qasym-Jomart Toqaev Úkimettiń keńeıtilgen otyrysynda áleýmettik saıasattyń basty baǵyttaryna toqtalǵan bolatyn.