Qyzylorda oblysynda memleketten qarjy alǵan shyǵarmashylyq úıirmeler tekserilip jatyr
QYZYLORDA. KAZINFORM - Qyzylorda oblysynda balalar men jasóspirimderge arnalǵan shyǵarmashylyq úıirmelerge memlekettik tapsyrysty ornalastyrý boıynsha zerdeleý jumystarynda birqatar kemshilikter anyqtaldy.
«Oblystyq mádenıet, arhıvter jáne qujattama basqarmasynyń habarlaýynsha, zerdeleý barysynda ónim berýshilerdiń sabaq kestesine sáıkes bolmaýy, beınebaqylaý, órt qaýipsizdigi júıesiniń ornatylmaýy sekildi kemshilikterge jol bergeni anyqtaldy. Sondaı-aq sabaq ótetin oryndarǵa qoıylatyn talaptar oryndalmaǵan. Qural-jabdyqtar tolyq emes, mekenjaıdan kóship ketkendigi syndy keleńsizdkter bar. Beınebaqylaýdy qarap kórý barysynda balalardyń tolyq nemese múlde bolmaýy jaǵdaıy kezdesken. Bul boıynsha 28 tamyz jáne 4 qyrkúıek aralyǵynda shyǵarmashylyq baǵytta 23 ónim berýshiniń jumysy zerdelendi. Anyqtalǵan kemshilikter boıynsha quqyq qorǵaý organdaryna hat joldandy. Ónim berýshimen jarııa ofertaǵa sáıkes kelisim-shart birjaqty buzylatyn bolady», - dep málim etti oblystyq mádenıet, arhıvter jáne qujattama basqarmasynan.
Eske salsaq, budan Qyzylorda oblysynda azamattardyń 35 mln teńgesin aldap alǵandar ustaldy.