Qyzylorda oblysynda memleketke 101 mln teńge qaıtaryldy
Qyzylorda oblysynyń prokýratýrasy «Baıqońyr» áleýmettik kásipkerlik korporatsııasy» AQ qyzmetine tekserý júrgizdi, dep habarlaıdy Kazinform QR Bas prokýratýrasynyń baspasóz qyzmetine silteme jasap.
Tekserý barysynda «Baıqońyr» áleýmettik kásipkerlik korporatsııasy» AQ enshiles uıymy «Agro Holdıng «Baıqońyr» JShS «Mega Agro» JShS-dan (jetkizýshi kompanııa) 2400 tonna kúrish astyǵyn 120 mln teńgege satyp alý týraly 02.03.2018j. kelisimshart jasaǵany anyqtaldy. Qarajat tolyq kólemde aýdarylǵan.
Shart talaptaryna sáıkes taýar 30.09.2018j. deıin jetkizilýi tıis.
Óz kezeginde jetkizýshi óz mindetterin tolyq oryndamaı, 101 mln teńge memleket qarajatyn bas paıdasyna shyǵyndaǵan.
Odan bólek, sol merzimde kórsetilgen 2 seriktestiktiń basshysy M.Espanov bolǵan.
Osylaısha M.Espanov memlekettik fýnktsııalardy oryndaýǵa ýákilettik berilgen adam bola tura, ózine tıesili «Mega Agro» JShS arqyly bıýdjet qarjysyn jymqyrý maqsatynda affılırlengen shart jasaǵan.
Bul fakt boıynsha oblys prokýratýrasy 19.08.2022j. QK-niń 189-baby 4-bóliginiń 2-tarmaǵymen qylmystyq is tirkedi.
Tergeý barysynda M.Espanovqa qatysty «kúzetpen ustaý» túrindegi bultartpaý sharasy tańdaldy, onyń áreketi QK-niń 361-baby 4-bóliginiń 3-tarmaǵynmen qaıta saralanyp, ol kinásin tolyq kólemde moıyndady jáne qylmystyq is sotqa joldandy.
Jalaǵash aýdany sotynyń 03.10.2023j. úkimimen M.Espanovqa 3 jyl 6 aı merzimge bas bostandyǵyn shekteý túrindegi jazasy taǵaıyndaldy (úkim zańdy kúshine endi).
Memleketke keltirilgen 101 mln teńge kólemindegi zalal tolyq kólemde óndirildi.
