Qyzylordada medıtsına kolledjiniń stýdenti jataqhanada kisi qolynan qaza tapty
QYZYLORDA. KAZINFORM – Qyzylorda oblysynyń Polıtsııa departamenti osy oqıǵaǵa qatysty qylmystyq is qozǵalǵanyn málimdedi.
Stýdentti jataqhanada joǵary kýrsta oqıtyndar azaptap óltirdi degen kúdik bar.
– Jábirlenýshiniń ólimine ákep soqqan densaýlyqqa qasaqana aýyr zııan keltirý deregi boıynsha qylmystyq is qozǵaldy. Kúdikti oqıǵa ornynda ustalyp, ýaqytsha ustaý ızolıatorǵa qamaldy. Qazirgi ýaqytta bolǵan oqıǵanyń barlyq mán-jaıyn jan-jaqty, tolyq jáne obektıvti anyqtaýǵa baǵyttalǵan sotqa deıingi tergep-tekserý áreketteri júrgizilip jatyr, - delingen habarlamada.
Polıtsııa tergeý áreketteri qoldanystaǵy zańnama talaptaryna sáıkes júzege asyrylyp jatqanyn habarlady. Tergeý nátıjesi boıynsha tıisti protsesýaldyq sheshim qabyldanatyn bolady.
Atyraý qalasyndaǵy mektepterdiń birinde 9 synyp oqýshysy 8 synypta oqıtyn qyzdy úshkir zatpen jaraqattaǵanyn jazǵan edik.
