Qyzylorda oblysynda kúrishtiń 92%-y oryldy
QYZYLORDA. KAZINFORM – Qyzylordalyq dıqandar erte egilgen 11 myń 500 tonna dándi daqyldy jınap boldy.
Qazir kúrish, mal azyǵy men maıly daqyldardy, kókónis, baqsha ónimderin jınap jatyr.
- 7 myń 400 tonna maıly daqyl, 129 myń tonna kókónis, 185 myń 800tonna baqsha daqyly jınaldy. Egilgen 1376 gektar kartoptyń 1060 gektarynan 14174 tonna ónim jınaldy. Syr salysynyń 64 myń 800 gektary oryldy. Bul – jalpy kúrish kóleminiń 92%-y. Onyń 58 myń gektary nemese 60%-y bastyryldy, - dedi oblystyq aýyl sharýashylyǵy jáne jer qatynastary basqarmasy basshysynyń orynbasary Dáýletbek Ábdirasýlov.
Nátıjesinde 294 myń 250tonna, ıaǵnı ár gektarynan 50,7 tsentner ónim jınalyp jatyr. 2027 jyldyń egisine qajet 17 myń 500 tonna kúrish tuqymynyń 12 myń 735 tonnasy quıyldy.Negizgi daqyldy qazan aıynyń ekinshi onkúndiginen keshiktirmeý josparlanǵan.
- 539 myń tonna syıymdylyqtaǵy 200 saqtaý qoımasy aldyn ala deratızatsııalanyp, astyq qabyldaýǵa kiristi. Júgeriniń 3 myń gektary nemese 60%-y orylyp, 10,6 myń tonna ónim jınaldy. Bıyl qysqa túsetin 676 myń 800 bas mal úshin jemshóp qory ázirlenip jatyr, - dedi basqarma ókili.
Bıyl egisti turaqty sýarýǵa 3 mlrd 250 mln tekshe metr sý lımıti bólindi. Onyń 2 mlrd 500 mln tekshe metri kanaldar arqyly egiske jetkizildi.
Eske salaıyq, 2027 jylǵy egin egýge daıyndyq qazirden bastalyp ketti. 1 qazannan sharýalardy erte qarjylandyrý tetigi iske qosyldy.
