Qyzylorda oblysynda kúrish ornyna sýdy az qajet etetin kókónis kólemi artty

QYZYLORDA. KAZINFORM – Bıyl Qyzylorda oblysynda kúrish kólemi ótken jylmen salystyrǵanda 4,7 myń gektarǵa qysqardy. Bul týraly oblystyq Aýyl sharýashylyǵy jáne jer qatynastary basqarmasynyń basshysy Talǵat Dúısebaev málimdedi.

егіс, көкніс, дақыл
Фото: Қызылорда облыстық ауыл шаруашылығы және жер қатынастары басқармасы

Qysqartylǵan kúrish egisiniń ornyna sýdy az qajet etetin mal azyǵy túrindegi, maıly daqyldar, kartop, kókónis kólemi artty. Osylaısha oblysta egindi ártaraptandyrýǵa mán berilip otyr.

sý, kanal, sýǵarý
Foto: Qyzylorda oblystyq aýyl sharýashylyǵy jáne jer qatynastary basqarmasy

– Bıyl egilgen aýyl sharýashylyǵy daqyldaryn turaqty sýarý úshin 3,9 mlrd tekshe metr sý lımıti belgilengen. Qazirgi jaǵdaı boıynsha Shardara sý qoımasyna joǵarydan sekýndyna 92,3 tekshe metr sý túsip jatyr. Qoımada 1,3 mlrd tekshe metr kóleminde sý bar. Syrdarııa ózeniniń tómengi aǵysyna jiberiletini – 380 tekshe metr (2024 jyly – 650 tekshe metr). Sýarmaly sýdy tıimdi paıdalaný maqsatynda qashyrtqydaǵy sýdy ekinshi márte paıdalanýǵa den qoıdyq. Oblysta osy baǵytta 238 nasos jumys istep tur. Onyń 25-in Tótenshe jaǵdaılar mınıstrligi qoldaý retinde jetkizip berdi, - dedi basqarma basshysy.

Qazirgi kúni egin sharýashylyǵyna qajet sý magıstraldy jáne sharýashylyqaralyq kanaldar arqyly kezekpen berilip jatyr.

Buǵan deıin habarlaǵanymyzdaı, elimizde ǵalymdar Qyzylorda oblysynyń jaǵdaıynda ósirýge arnalǵan ónimdiligi joǵary kúrishtiń eki túrin ázirleýdi qolǵa aldy.

Сейчас читают