Qyzylorda oblysynda qýaty 20 MVt kún elektr stantsııasy iske qosyldy
QYZYLORDA. KAZINFORM – Shıeli aýdanynda «Vigor Holding» kompanııasynyń qýattylyǵy 20 MVt kún elektr stantsııasy iske qosyldy. Nysannyń ashylý rásimine Qyzylorda oblysynyń ákimi Murat Ergeshbaev qatysty.
Іs-sharaǵa oblys prokýrory – ınvestıtsııalyq ombýdsmen Rızabek Ojarov, zııaly qaýym ókilderi, «Vigor Holding» jáne jobany qarjylaı qoldaǵan Qazaqstannyń Damý Bankiniń ókilderi qatysty.
– Memleket basshysy elimizde jańa ınvestıtsııalyq kezeńdi bastaýdy, onyń ishinde ındýstrııa, energetıka jáne qurylys salalarynda zamanaýı óndirister ashýdy tapsyrǵan bolatyn. Jańa jobalardy iske asyrýǵa, ónerkásipti damytý úshin jeke kapıtal tartýǵa memleket jan-jaqty qoldaý kórsetip, qolaıly jaǵdaı jasap keledi. Biz otandyq jáne sheteldik ınvestorlarmen ashyq ári senimdi qarym-qatynas ornatyp, nátıjeli jumys jasaýǵa árdaıym daıynbyz. Óndirister ashýǵa, jańa tehnologııalardy damytýǵa salynǵan ınvestıtsııanyń mindetti túrde qaıtarymy bolady, – dedi Murat Ergeshbaev.
Іs-shara barysynda aýdannyń áleýmettik-ekonomıkalyq damýyna úles qosqan jáne jobanyń júzege asýyna atsalysqan azamattar oblys ákiminiń Alǵys hatymen marapattaldy.
Qazir óńirde jalpy qýattylyǵy 151 MVt bolatyn 11 kún elektr stantsııasy jumys isteıdi. Aldaǵy ýaqytta qýattylyǵy 225 MVt-tan asatyn taǵy jeti kún elektr stantsııasyn iske qosý josparlanǵan.
Aral jáne Jańaqorǵan aýdandarynda qýaty 30 MVt bolatyn stantsııalar salynyp jatyr. Sonymen qatar Qyzylorda qalasynda 15 MVt, Shıeli aýdanynda árqaısysynyń qýaty 60 MVt bolatyn eki kún elektr stantsııasynyń jobasy ázirlenýde.
Budan bólek, «QyzylordaEnerdjıGaz» mekemesiniń qýaty 10 MVt kún elektr stantsııasynyń qurylysy aldaǵy aıda bastalady.
Aıta keteıik, buǵan deıin Qyzylorda oblysynda jasyl energetıkany damytýǵa sheteldik ınvestorlardyń qyzyǵýshylyq tanytyp otyrǵany habarlandy. Óńirde 500 MVt-qa deıin elektr energııasyn qabyldaýǵa múmkindik beretin energetıkalyq ınfraqurylym bar.
