Qyzylorda oblysynda qoıshy aýylda áıelin óltirgen kúdikti ustaldy

QYZYLORDA. KAZINFORM - Qyzylorda oblysynda qoıshy aýylda 20 jastaǵy áıeldiń dene jaraqatymen máıiti tabyldy. Polıtseıler oǵan kúdikti retinde tanylǵan 25 jastaǵy kúıeýin ustady.

Áleýmettik jelide 21 shildede Shıeli aýdanyna qarasty Maılytoǵaı eldi mekenindegi qoıshy aýylda 20 jastaǵy áıeldiń máıiti tabylǵany jóninde habarlandy. Onyń denesinen túrli jaraqat anyqtalǵan.

Bul oqıǵaǵa qatysty oblystyq polıtsııa departamenti túsinikteme berdi.

«Bul is boıynsha tıisti saraptamalar taǵaıyndalyp, tergep-tekserý júrgizilýde. Kúdikti izin sýytpaı ustaldy. Qazir ýaqytsha ustaý ızolıatoryna qamaldy, tergeý jalǵasýda. Ózge málimetter tergeý qupııasyn saqtaý maqsatynda jarııalanýǵa jatpaıdy», - dep málim etti departamentten.

Eske salsaq, budan buryn Qyzylordada alaıaqtyq jasaǵan advokat pen onyń áıeli sottaldy.