Qyzylorda oblysynda qorada turǵan 2 sıyr men 11 ýaq mal órtenip ketti
QYZYLORDA. KAZINFORM - Qyzylorda oblysynda órt saldarynan mal qorada turǵan 2 sıyr men 11 ýaq mal órtenip ketti.
Oqıǵa búgin, 2 mamyrda saǵat 12.33-te Syrdarııa aýdanynyń ortalyǵy Tereńózek kenti B. Ótepov kóshesindegi turǵyn úıdiń aýlasynda bolǵan.
Atalǵan mekenjaıda mal qora órtengeni anyqtaldy. Órt oqıǵasynyń shyǵý sebebi anyqtalyp jatyr.
«Oqıǵa barysynda 2 bas iri qara mal, 11 bas ýaq mal órtenip ketkeni belgili boldy. Oǵan Syrdarııa aýdanyndaǵy № 12 órt sóndirý bóliminen 1 avtokólik pen 5 qyzmetker jumyldyryldy. Adam shyǵyny joq. Jaqyn ornalasqan ǵımarattar men qurylystarǵa zııan kelmegeni anyqtaldy» dep málim etti Qyzylorda oblysynyń tótenshe jaǵdaılar departamenti órt sóndirý jáne avarııalyq-qutqarý jumystary qyzmetinen.
Eske salsaq, budan buryn Qyzylordada órt saldarynan 4 garaj, 6 saraı, 1 kólik órtenip ketti.
