Qyzylorda oblysynda Kongo-qyrym qandy bezgegine qaýipti 115 eldi meken anyqtaldy
QYZYLORDA. KAZINFORM - Qyzylorda oblysynda Kongo-qyrym qandy bezgeginiń oshaǵy shyǵýy múmkin degen 115 eldi meken anyqtaldy.
Bıyl Qyzylorda oblysy boıynsha Kongo-qyrym qandy bezgeginiń oshaǵy shyǵýy múmkin degen 115 eldi meken qolaısyz dep esepke alyndy. Atalǵan qolaısyz aýmaqtarda kenege qarsy zalalsyzdandyrý jumystarynyń kóktemgi kezeńi sáýir aıynda bastalady dep josparlanyp otyr.
«Óńdeý jumystary oblystyń ońtústik aımaqtarynan bastap júrgiziledi. Osyǵan oraı turǵyndarǵa mal qoralarǵa mehanıkalyq tazalaý jumystaryn júrgizýdi suraımyz. Byltyr Qazaly, Jalaǵashtan basqa aýdannyń barlyǵynda Kongo-qyrym qandy bezgegi tirkelip, oblys boıynsha epıdemıologııalyq ahýal qolaısyz boldy. Oblysta 48 kúdikti naýqas tirkelip, onyń 13-iniń dıagnozy rastaldy. Turǵyndar úshin keneden keletin qaýip tek kóktem-jaz aılarynda ǵana emes, jyl kóleminde saqtalýda. Byltyr Kongo-Qyrym gemorragııalyq qyzbasyna shaldyǵý jaǵdaıy jeltoqsan aıyndy da tirkelgen bolatyn. Bul jaǵdaıǵa aýa-raıynyń qolaıly bolýy, aýrýdyń tabıǵatta taratýshy kózi kenelerdiń belsendiliginiń joǵarylyǵy óz septigin tıgizdi», - dep málim etti Qyzylorda oblysynyń sanıtarııalyq-epıdemıologııalyq baqylaý departamentinen.
