Qyzylorda oblysynda kólik qozǵalysyna ýaqytsha shekteý qoıylady

ASTANA. KAZINFORM – Aýa raıynyń qolaısyzdyǵyna baılanysty Qyzylorda oblysynda respýblıkalyq mańyzy bar avtojoldyń bir bóliginde kólik qozǵalysy ýaqytsha shekteledi.

- 2026 jylǵy 2 aqpan kúni saǵat 22:00-den bastap «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 1474-1806 shaqyrym aralyǵyndaǵy ýchaskesinde, atap aıtqanda Áıteke bı kenti – Qyzylorda qalasy baǵytynda kóliktiń barlyq túriniń qozǵalysy ýaqytsha toqtatylady, - delingen QazAvtoJol aqparatynda.

Joldy 2026 jylǵy 3 aqpan saǵat 08:00-de qaıta ashý josparlanyp otyr.

Aıta keteıik, buǵan deıin aqpannyń alǵashqy kúnderi aýa raıy qandaı bolatynyn habarlaǵan bolatynbyz.