Qyzylorda oblysynda kólik qozǵalysyna shekteý qoıyldy

  ASTANA. KAZINFORM – QazAvtoJol Qyzylorda oblysynda kólik qozǵalysyna shekteý qoıylǵany týraly aqparat jarııalady.

– 2025 jylǵy 8 jeltoqsan saǵat 19:00-de Aqtóbe oblysynda aýa raıynyń qolaısyzdyǵyna baılanysty respýblıkalyq mańyzy bar «RF shekarasy – Martók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 1240-1362 shaqyrym aralyǵynda (Aqtóbe oblysynyń shekarasynan Aral qalasyna deıin) qoǵamdyq jáne júk kólik túrleriniń qozǵalysyna shekteý qoıylady, - delingen habarlamada.

Joldy 2025 jylǵy 9 jeltoqsan saǵat 05:00-de ashý josparlanǵan.

1403 baılanys ortalyǵyna habarlasyp, táýlik boıy qosymsha aqparat alýǵa bolady.

Aıta keteıik, «Qazgıdromet» RMK osy aptada aýa raıy kúrt nasharlaıtynyn eskertti.