Qyzylorda oblysynda kólik qozǵalysy shekteldi
ASTANA. KAZINFORM — Qyzylorda oblysynda aýa raıynyń buzylýyna baılanysty Áıteke bı aýylynan Qyzylorda qalasyna deıingi ýchaskede jol jabyldy.
Bul týraly «QazAvtoJol» UK málim etti.
— 2025 jylǵy 23 aqpan saǵat 21:30–da aýa raıynyń buzylýyna baılanysty «RF shekarasy-Mártók-Aqtóbe-Qarabutaq-Qyzylorda-Shymkent-Taraz-Qordaı-Almaty-Horgos-QHR shekarasy» avtojolynyń 1474-1806 shaqyrym aralyǵyndaǵy ýchaskecinde (Áıteke bı aýyly — Qyzylorda qalasy) respýblıkalyq avtojolynda kóliktiń barlyq túrleri qozǵalysyna shekteý qoıylady, — delingen habarlamada.
Joldy 2025 jylǵy 24 aqpan saǵat 03:00–de ashý josparlanǵan.
Aıta keteıik, 1403 baılanys ortalyǵyna habarlasyp, táýlik boıy qosymsha aqparat alýǵa bolady.
Buǵan deıin habarlanǵandaı, ShQO-daǵy tasjoldardyń biri úshinshi kún qatarynan jabyldy.