Qyzylorda oblysynda kóktaıǵaq saldarynan kólik qozǵalysy qıyndady
QYZYLORDA. KAZINFORM - Qyzylorda oblysynda jańbyr jaýyp, artynan kóktaıǵaqqa ulasty. Saldarynan kólik qozǵalysyna shekteý engizildi.
Oblystyq Tótenshe jaǵdaılar departamentiniń habarlaýynsha, saǵat 19:00-den bastap «Samara-Shymkent» tas jolynyń Tóretam men Báıgequm eldi mekenderine deıingi aralyqta barlyq kólik túriniń qozǵalysyna ýaqytsha shekteý qoıylǵan.
- Qazir polıtsııa qyzmetkerleri jol boıynda arnaıy baqylaý jumystaryn júrgizip jatyr. Kólik júrgizýshilerine jolǵa shyqpaýyn suraımyz, - dep málim etti oblystyq Polıtsııa departamentinen.
Qyzylorda qalasy ákimdigi oblys ortalyǵynda kóktaıǵaqqa baılanysty kommýnaldyq mekemeler kúsheıtilgen rejımde jumys istep jatqanyn atap ótti. Oǵan arnaıy tehnıkalar jumyldyrylǵan. Qardan tazalaý jáne kóktaıǵaqtyń aldyn alý úshin joldarǵa tuz aralas qum qospasy sebilip jatyr.
Eske salsaq, budan buryn Qyzylordada polıtseıler esirtki prıtonyn joıdy.