Qyzylorda oblystyq memlekettik energetıkalyq qadaǵalaý men baqylaý departamentiniń basshysy ustaldy
QYZYLORDA. KAZINFORM — Bıyl 23 shildede Ulttyq qaýipsizdik komıtetiniń Sybaılas jemqorlyqqa qarsy is-qımyl qyzmeti qyzmettik ókilettikterin asyra paıdalandy degen kúdikpen QR Energetıka mınıstrliginiń Memlekettik energetıkalyq qadaǵalaý jáne baqylaý komıtetiniń Qyzylorda oblysy boıynsha aýmaqtyq departamentiniń basshysyn ustady. Bul týraly UQK baspasóz qyzmeti málim etti.
— Ol jer qoınaýyn paıdalanýshylardan júıeli túrde materıaldyq paıda alýǵa múmkindik beretin sybaılas jemqorlyq shemasyn uıymdastyrdy degen kúdikke ilindi. Qazirgi ýaqytta osy adamǵa qatysty QR Qylmystyq kodeksiniń 362-baby 4-bóliginiń 3-tarmaǵy (Bılikti nemese laýazymdyq ókilettikterdi asyra paıdalaný) jáne 364-baby 1-bóligi (Kásipkerlik qyzmetke zańsyz qatysý) boıynsha tergeý is-sharalary júrgizilip jatyr, — delingen habarlamada.
Qamaýda ustaý bultartpaý sharasy retinde taǵaıyndaldy.
QR Qylmystyq-protsestik kodekstiń 201-babyna sáıkes sotqa deıingi tergep-tekserýdiń ózge aqparattary jarııa etýge jatpaıdy.
Eske sala keteıik, buǵan deıin asa aýyr qylmys jasaǵany úshin kúdikti Ázerbaıjannan ekstradıtsııalanǵanyn jazǵan edik.