Qyzylorda oblysynda qyzylsha aýrýyna shaldyqqandardyń basym bóligi - balalar

Qyzylorda oblysynda bıyl qyzylsha aýrýyna shaldyqqan turǵyndardyń basym bóligin balalar quraıdy. Onyń ishinde úshten bir bóligi 1 jasqa tolmaǵan sábıler arasynda tirkelip otyr, dep habarlaıdy Kazinform.

Jyl basynan beri Qyzylorda oblysynda laboratorııalyq zertteý nátıjesimen qyzylsha aýrýynyń 460 jaǵdaıy tirkeldi. Onyń ishinde 387-i 14 jasqa deıingi balalar arasynda esepke alynǵan.

«Al 117 jaǵdaı 1 jasqa tolmaǵan sábıler arasynda tirkelse, ol 73 eresek turǵynnan anyqtaldy. Qyzylsha indetine shaldyqqandardyń basym bóligi aýrýǵa qarsy ekpe almaǵan. Olardyń sany jalpy syrqattanǵan azamattardyń 65%-yn quraıdy. Atap aıtqanda, medıtsınalyq qarsy kórsetilimge baılanysty egilmegender úlesi - 17,6, egiletin jasqa jetpegender úlesi - 39, vaktsınatsııadan bas tartqandar úlesi – 39,2%-dy quraıdy. Sondaı-aq, 64 naýqastyń qyzylshaǵa qarsy ımmýndyq mártebesi belgisiz ekendigi anyqtaldy. Aýyrǵandardyń ishinde ekpe alǵan naýqastar da bar. Alaıda olar qyzylshaǵa qarsy ekpeniń tolyq kýrsyn qabyldamaǵan. Tek 1 dozasyn alǵan. ıAǵnı aǵzada tolyq ımmýnıtet qalyptaspaǵan. Sondyqtan aýrýdy juqtyryp alý deregi otirkelgen», - dedi Qyzylorda oblysynyń sanıtarııalyq-epıdemıologııalıayq baqylaý departamentiniń bólim basshysy Álııa Ydyrysova.

Oblys boıynsha anyqtalǵan derekterdiń basym bóligi Qyzylorda qalasynyń (308 jaǵdaı) úlesinde. Aýdandar boıynsha ol Aralda - 40, Qazalyda - 22, Qarmaqshyda - 7, Jalaǵashta - 4; Syrdarııada - 6, Shıelide - 66 jáne Jańaqorǵanda -7 adamdy quraıdy.

Eske salsaq, budan buryn tumaýdan qalaı saqtaný kerektigi jóninde maman pikiri berildi.