Qyzylorda oblysynda qyrkúıekte aýdan ákiminiń saılaýy ótedi

QYZYLORDA. KAZINFORM – Qyzylorda oblysy Shıeli aýdanynda 15 qyrkúıekte ákim saılaýy ótedi. Bul saıası shara aýdannyń burynǵy ákiminiń ókilettiginiń merziminen buryn toqtatylýyna baılanysty qolǵa alynyp otyr.

Shıelide 50 716 saılaýshy tirkelgen. Aýdanda 40 saılaý ýchaskesi jumys isteıdi. Onda 272 ýchaskelik komıssııa múshesi qyzmet atqarady.

«QR Saılaý týraly Konstıtýtsııalyq zańyna sáıkes aýdan ákiminiń saılaýyn ótkizýdiń kúntizbelik jospary bekitilgen. Aýdan ákimine úmitker azamattar usynym qujatyn 21 tamyzda saǵat 18.00-ge deıin aýdandyq saılaý komıssııasyna ótkizýi kerek. Al kandıdattardy tirkeý 23 tamyz kúni saǵat 18.00-de aıaqtalady. Kandıdattar úshin úgit kezeńi 23 tamyz saǵat 18.01-den 14 qyrkúıek kúni saǵat 00.00-de deıin belgilengen. Al 14 qyrkúıek tynyshtyq kúni, 15 qyrkúıek daýys berý kúni bolyp bekitilgen. Kandıdattar saıası partııa jáne ózin-ózi usyný jolymen úmitker bola alady», - dep atap ótti oblystyq saılaý komıssııasynan.

Aıta ketsek, Qyzylorda oblysynda kent jáne aýyldyq okrýg ákimderiniń de saılaýy qarqyndy júrgizilip jatyr. Jyl basynan beri 2 kent jáne 15 aýyldyq okrýgte turǵyndar óz tańdaýyn jasady.

Eske salsaq, Shıeli aýdanynyń burynǵy ákimi Nurjan Ahatov Qyzylorda qalasynyń ákimi qyzmetine taǵaıyndalǵan edi.