Qyzylorda oblysynda kenege qarsy kúreske 243,6 mln teńge bólindi

QYZYLORDA. KAZINFORM – Qyzylorda oblysynda kene entsefalıti boıynsha 111 qolaısyz eldi meken bar. Olardy zalalsyzdandyrýǵa bıyl jergilikti bıýdjetten 243,6 mln teńge bólindi.

Oblystyq jumyldyrý daıyndyǵy basqarmasynyń málimetinshe, bul qarjyǵa 622 myńnan astam mal, 35 myńnan astam qora men sýat-shańlaqty kóktem jáne kúzde zalalsyzdandyrý josparlanǵan.

— Kóktemgi dárileý jumysy 9 sáýir men 14 maýsym aralyǵynda júrgizildi. Ulttyq saraptama ortalyǵynyń tekserisi nátıjesinde onyń tıimdilik kórsetkishi 98 boldy. Al kúzgi zalalsyzdandyrý jumysy 1 tamyzda bastalady, — dedi basqarma basshysy Marat Qurmanbaev.

2025 jyldyń alǵashqy jartysynda Kongo-qyrym gemorragııalyq qyzbasyn juqtyrýy múmkin degen belgimen 8 adam aýrýhanaǵa jatqyzylǵan. Zerthanalyq synama qorytyndysynda 4 naýqasta dıagnoz rastaldy. Onyń 1-i kóz jumdy. 

Eske salsaq, Qyzylorda qalasynda 8 eldi meken qolaısyz dep tanyldy. Ótken jyly olardyń sany 12 bolatyn.