Qyzylorda oblysynyń Qazaly aýdanynda jańa ákim saılandy
QYZYLORDA. KAZINFORM — Qyzylorda oblysy Qazaly aýdany ákiminiń saılaýy ótti. Saılaýshylar tizimine 47 219 azamat engizildi. Bul týraly Qazaly aýdanynyń aýmaqtyq saılaý komıssııasy málim etti.
Daýys berýge – 32 337 saılaýshy, onyń ishinde esepten shyǵarý kýálikteri boıynsha - 0, daýys berýge arnalǵan úı-jaılardan tys – 917 qatysty. Kandıdattardyń jalpy sany – 5.
«Qazaqstan Respýblıkasyndaǵy saılaý týraly» Qazaqstan Respýblıkasy Konstıtýtsııalyq zańynyń 14-babynyń 9) tarmaqshasyna, 44-babynyń 2-tarmaǵyna, 45-babyna, 113-10-babyna sáıkes jáne ýchaskelik saılaý komıssııalarynyń Qyzylorda oblysy Qazaly aýdanynyń ákimin saılaý nátıjeleri týraly hattamalarynyń negizinde, Qazaly aýdanynyń aýmaqtyq saılaý komıssııasy saılaý qorytyndylaryn belgiledi:
Aýmaqtyq saılaý komıssııasynyń málimetinshe, kandıdat Esmahanov Almasbek Ábilqasymuly 21096 daýys jınasa, Jańabaev Ǵabıt Jumabekuly 3240 daýys ıelengen. Al Kazbekova Mıra Jomartqyzyna saılaýshylar 2984 daýysy berse, Qoıshybaev Shahmardan Sultanbekuly 2605 daýys jınaǵan. 1994 saılaýshy Іzmaǵambetov Baýyrjan Nurlanulynyń kandıdatýrasyn tańdaıtynyn bildirgen.
Saılaý qorytyndysymen Qazaly aýdanynyń ákimi bolyp Esmahanov Almasbek Ábilqasymuly saılandy. 1982 jyly dúnıege kelgen, ulty qazaq, Qyzylorda oblysy, Qyzylorda qalasynda turady.
«Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýtsııalyq Zańynyń 14, 45, 113-11 baptaryna sáıkes Qazaly aýdanynyń aýmaqtyq saılaý komıssııasynyń 2025 jylǵy 29 qyrkúıektegi sheshimimen 2025 jylǵy 28 qyrkúıekte saılanǵan Esmahanov Almasbek Ábilqasymuly Qyzylorda oblysy Qazaly aýdanynyń ákimi bolyp tirkeldi.
Eske sala keteıik, buǵan deıin Almaty oblysynyń Raıymbek aýdanynda jańa ákim saılanǵanyn jazǵan edik.