Qyzylorda oblysynda qaıtarylǵan aktıvter esebinen ınfektsııalyq bólimshe ashyldy
QYZYLORDA. KAZINFORM – Qyzylorda oblysynyń Aral aýdanynda kópbeıindi aýdandyq ortalyq aýrýhanada 25 tósektik ınfektsııalyq bólimshe ashyldy. Bul týraly Densaýlyq saqtaý mınıstrligi habarlady.
Jańa bólimshe jiti ınfektsııalyq aýrýlar kezinde eresekter men balalarǵa jedel medıtsınalyq kómek kórsetýge, erte anyqtaý jáne emdeýdi bastaý arqyly aýrýdyń asqynýy men aýyr aǵymynyń qaýpin azaıtýǵa múmkindik beredi.
Infektsııalyq bólimsheniń qurylysy 2,3 mlrd teńge somaǵa qaıtarylǵan aktıvterdiń esebinen qarjylandyryldy. Sonymen qatar «Aýyldyq densaýlyq saqtaýdy jańǵyrtý» ulttyq jobasynyń sheńberinde aýdandyq aýrýhanada kardıologııalyq jáne ınsýlttik bólimshelerdi ornalastyrýmen qosymsha qurylys aıaqtaldy.
Osy maqsattarǵa qaıtarylǵan aktıvterdiń esebinen 2,1 mlrd teńge bólindi. Sońǵy jyldary aýrýhana úshin 206 mln teńgege medıtsınalyq jabdyq satyp alyndy, bul materıaldyq-tehnıkalyq bazany aıtarlyqtaı nyǵaıtýǵa múmkindik berdi.
Endi aýdan turǵyndary oblys ortalyǵyna nemese basqa qalalarǵa barmaı-aq turǵylyqty jeri boıynsha mamandandyrylǵan medıtsınalyq kómek ala alady.
Sońǵy úsh jylda Qyzylorda oblysynyń densaýlyq saqtaý júıesin damytýǵa 450,1 mlrd teńge jumsalǵanyn. Bul halyqty tolǵandyratyn ózekti máselelerdi dáıekti túrde sheshýge múmkindik beretinin aıta ketken jón.
Aıta keteıik, SQO-da qaıtarylǵan aktıvter esebinen jańa sýmen jabdyqtaý júıesi iske qosyldy.
BQO-da qaıtarylǵan aktıvter esebinen sý qubyry nysandary salyndy.
Pavlodar áýejaıy qaıtarylǵan aktıvter esebinen rekonstrýktsııalanady.
SQO-daǵy Birlik aýylyna qaıtarylǵan aktıvter esebinen aýyz sý tartyldy.