Qyzylorda oblysynda qaıtarylǵan aktıvter esebinen 7 mlrd teńgege medıtsınalyq mekemeler salynady
ASTANA. KAZINFORM - Memleket basshysynyń tapsyrmasyn júzege asyrý aıasynda Qazaqstanda zańsyz shetelge shyǵarylǵan aktıvterdi elge qaıtarý arqyly áleýmettik nysandar salý jumystary jalǵasyp jatyr.
QR Úkimeti baspasóz qyzmetiniń habarlaýynsha, arnaýly memlekettik qordan Qyzylorda oblysyndaǵy densaýlyq saqtaý salasyndaǵy birqatar jobaǵa shamamen 7 mlrd teńge bólindi.
Bul qarajat Aral, Qazaly, Shıeli jáne Jańaqorǵan aýdandaryndaǵy ortalyq aýdandyq aýrýhanalar janynan jańa ǵımarattar salýǵa baǵyttalǵan. Onda ınsýlt ortalyqtary, rentgenhırýrgııa bólimsheleri jáne basqa da beıindi bólimder ashylyp, zamanaýı medıtsınalyq jabdyqtar: magnıttik-rezonanstyq tomografııa, kompıýterlik tomografııa jáne angıografııalyq qondyrǵylar ornatylady.
Jobalar júzege asqan soń, aýyldyq jerlerdegi 300 myńnan astam turǵyn mamandandyrylǵan medıtsınalyq kómekke qol jetkizedi.
- Nysandardy bıyl paıdalanýǵa berý josparlanǵan, - delingen habarlamada.
Osyǵan deıin habarlaǵanamyzdaı, Jambyl oblysyndaǵy aýrýhanalardy rekonstrýktsııalaýǵa 2,4 mlrd teńge bólindi.