Qyzylorda oblysynda qaryz alǵan tanysyn pyshaqtap óltirgen turǵyn sottaldy

QYZYLORDA. KAZINFORM - Qyzylorda oblysynda qaryz alǵan tanysyn pyshaqtap óltirgen adam 14 jylǵa bas bostandyǵynan aıyryldy.  

 Qyzylorda oblysynyń qylmystyq ister jónindegi mamandandyrylǵan aýdanaralyq sotynda atalǵan oqıǵaǵa qatysty qylmystyq is qaraldy.

«Sottalýshy bereshek aqshany qaıtaryp alý úshin 2024 jyldyń tamyz aıynda Qyzylorda qalasynan Sekseýil kentine barǵan. Onda tanysymen sóılesý barysynda ekeýiniń arasynda janjal týyndaǵan. Saldarynan sottalýshy jábirlenýshige jaqyndap kelip, júrek tusynan pyshaqpen urǵan. Aýyr jaraqat saldarynan jábirlenýshi oqıǵa ornynda kóz jumǵan», - dep málim etti Qyzylorda oblysynyń qylmystyq ister jónindegi mamandandyrylǵan aýdanaralyq sotynan.

Vedomstvo málimetinşe, sot úkimimen sottalýshy S. QR Qylmystyq Kodeksiniń 99-babynyń 1-bóligimen kináli dep tanyldy. Oǵan 14 jyl merzimge bas bostandyǵynan aıyrý jazasy taǵaıyndalyp, 10 mln teńge moraldyq shyǵyn óndirildi. Úkim zańdy kúshine engen joq.

Eske salsaq, budan buryn Qyzylordada kıik etin satyp turǵan qala turǵyny ustaldy.