Qyzylorda oblysynda kadastrlyq quny 218 mln teńge jer ýchaskesi memleketke qaıtaryldy

Qyzylorda oblystyq prokýratýrasy tarapynan júrgizilgen jumys nátıjesinde kadastrlyq quny 218 mln teńge bolatyn jer ýchaskesi memleketke qaıtaryldy, dep habarlaıdy QazAqparat tilshisi. 

Qyzylorda oblysynyń prokýratýra organdary jer qatynastary salasynda jasalǵan taldaý nátıjesinde 14 usyný, 1 narazylyq engizdi. Tártiptik jaýaptylyqqa 37 adam tartyldy. Sondaı-aq 270 úleskerdiń quqyǵy qorǵalyp, 49 akt zańǵa sáıkestendirildi.

Jerdi satyp alý sharty boıynsha jer ıelenýshilerdiń tólemegen 25 mln teńgesi bıýdjetke óndirildi. Kadastrlyq quny 218 mln teńge jer ýchaskesi memleketke qaıtaryldy.

«Baıqońyr» áleýmettik kásipkerlik korporatsııasy» AQ-men (budan ári - ÁKK) birlesken jobamen quryldy. Júzege asyrylmaǵan ınvestıtsııalyq joba boıynsha quny 115 mln teńge jer ýchaskesi memleketke qaıtaryldy. Sol sııaqty Syrdarııa aýdany prokýratýrasy zańsyz tabystalǵan kásipkerlik maqsattaǵy kadastrlyq quny 21,8 mln teńge 6 gektar jer ýchaskesin memleketke qaıtardy. Odan bólek, prokýratýra organdary paıdalanylmaıtyn jerlerdi anyqtaý jáne sharalar qabyldaý jóninde ýákiletti organdardyń jumysyn baqylaýda. Jer kodeksine sáıkes paıdalanylmaıtyn jerlerdi anyqtaý qala, aýdan ákimdikteriniń jer salasyndaǵy ýákiletti organynyń quzyretine jatady», - dep málim etti Qyzylorda oblystyq prokýratýrasynan.

Bul baǵytta jumystar qarqyndy júrgizilmeýine baılanysty prokýratýranyń bastamasymen 602,3 gektar 360 ıgerilmegen kásipkerlik maqsattaǵy jer ýchaskeleri anyqtaldy. Nátıjesinde Qyzylorda oblysynyń jer resýrstaryn basqarý departamentine usyný engizilgen.

150 jer ýchaskesine qatysty nusqama berilip, májbúrlep memleketke qaıtarý baǵytynda sharalar qabyldanyp jatyr. Aýyl sharýashylyǵy maqsatyndaǵy jaıylymdyq jerdiń ıgerilý jaǵdaıyna basa nazar aýdaryldy.

«Bul baǵytta oblystyń prokýratýra organdary jergilikti ákimdiktermen birlesip paıdalanylmaıtyn jaıylymdyq jerdi anyqtaý maqsatynda jumys toptaryn qurdy. Oblys boıynsha eldi mekenniń turǵyndarymen kezdesý uıymdastyrylyp, túsindirme jumystary júrgizildi. Osy jyldyń ótken merziminde oblystyń prokýratýra organdary 138 myń ga 133 jaıylymdyq jer ýchaskesiniń ıgerilmegenin anyqtap, qadaǵalaý aktilerin engizdi. Kadastrlyq quny 80 mln teńge bolatyn 41 myń ga 54 jer ýchaskesi qaıtaryldy. Sol sııaqty jergilikti atqarýshy organdarmen jaıylymdyq jerdiń jetispeýshiligi durys aıqyndalmaǵany anyqtaldy. Prokýratýranyń bastamasymen ákimdikter jaıylymdyq jerlerge túgendeý júrgizip, nátıjesinde jaıylym jetispeýshiligi 1,4 mln gektardan 530 myń gektarǵa (63 paıyz) azaıdy», - dep atap ótti vedomstvodan.

Eske salsaq, budan buryn Qyzylorda oblysynda qurylysty aıaqtamaı, qarjyny ıgere almaǵan birqatar ákim jaýapqa tartyldy.