Qyzylordada ınvestor quqyǵyn shektegen kent ákimi jaýapqa tartyldy
QYZYLORDA. KAZINFORM – Qyzylorda oblysy Shıeli aýdanynyń prokýratýrasy ınvestordyń ótinishin qaraý merzimin negizsiz sozý, onyń quqyǵyn shekteý jáne tıisti sheshim qabyldaýdan bas tartý faktisin anyqtady.
Atap aıtqanda, «VIGOR Holding» JShS-ne jumys jobasynda kózdelgen ınjenerlik dáliz sheginde Shıeli kentiniń aýmaǵynda ornalasqan jer ýchaskelerine jarııa servıtýt belgileý qajettiligi týyndaǵan.
- Osyǵan baılanysty ınvestor Shıeli kentiniń ákimdigine tıisti aýmaqqa jarııa servıtýt belgileý týraly qaýly qabyldaý jóninde ótinishpen júgingen. Alaıda kent ákimi ótinishti qanaǵattandyrýdan negizsiz bas tartqan. Prokýratýranyń aralasýy nátıjesinde ınvestorǵa jarııa servıtýt belgileý týraly tıisti qaýlynyń qabyldanýyna yqpal etý arqyly kómek kórsetildi. Sonymen qatar kent ákimi Qazaqstan Respýblıkasynyń Ákimshilik quqyq buzýshylyq týraly kodeksiniń 173-babynyń 1-bóligi boıynsha ákimshilik jaýaptylyqqa tartyldy, - dep málimdedi oblystyq prokýratýra.
Eske salaıyq, jýyrda Qyzylordada ınvestorǵa zańsyz shara qoldanǵan basqarma basshysyna aıyppul salyndy.
