Qyzylorda oblysynda ıgerýsiz jatqan 1 570 gektardan astam jer memleketke qaıtaryldy
QYZYLORDA. KAZINFORM — Qazaly aýdanynda jalpy aýdany 1 571 gektar jer ýchaskesiniń paıdalanylmaı otyrǵany anyqtaldy.
Aýyl sharýashylyǵy mınıstrligi paıdalanylmaı jatqan aýyl sharýashylyǵy maqsatyndaǵy jerlerdi anyqtaý jáne olardy keıinnen aýyl sharýashylyǵy aınalymyna engizý úshin memleket menshigine qaıtarý baǵytyndaǵy júıeli jumystardy jalǵastyryp jatyr.
Mınıstrlikke qarasty Jer resýrstaryn basqarý komıtetiniń Qyzylorda oblysy boıynsha jer resýrstaryn basqarý departamenti júrgizgen tekserý jumystarynyń nátıjesinde Qazaly aýdanynda jalpy aýdany 1 571 gektar jer ýchaskesiniń paıdalanylmaı otyrǵany anyqtaldy.
Osyǵan baılanysty departament Qyzylorda oblysynyń mamandandyrylǵan aýdanaralyq ekonomıkalyq sotyna jer ýchaskelerin májbúrlep alyp qoıý týraly talap aryz berdi.
Sot sheshimimen talap qoıý aryzy tolyq qanaǵattandyrylyp, nátıjesinde aýyl sharýashylyǵy maqsatyndaǵy jerler memleket menshigine qaıtaryldy.
Aıta ketelik Qostanaıda 140-qa jýyq jer ýchaskesi memleket qajetine alynýy múmkin.
