Qyzylorda oblysynda ıgerilmegen aýyl sharýashylyǵy jeri memleket menshigine qaıtaryldy
ASTANA. KAZINFORM – QR AShM Jer resýrstaryn basqarý komıtetiniń Qyzylorda oblysy boıynsha jer resýrstaryn basqarý departamenti aýyl sharýashylyǵy taýaryn óndirýshige qatysty jospardan tys tekserý júrgizdi.
Tekserý nátıjesinde Syrdarııa aýdanynda sharýa qojalyǵyn júrgizý úshin berilgen jalpy aýmaǵy 129 gektar aýyl sharýashylyǵy maqsatyndaǵy jer ýchaskeleri maqsatty túrde paıdalanylmaǵany jáne ıgerilmegeni anyqtaldy.
Anyqtalǵan zańbuzýshylyqtardy joıý maqsatynda jer paıdalanýshyǵa nusqama berildi. Alaıda belgilengen merzimde nusqama talaptary oryndalmady.
Osyǵan baılanysty departament Qyzylorda oblysynyń mamandandyrylǵan aýdanaralyq ekonomıkalyq sotyna atalǵan jer ýchaskelerin májbúrlep alyp qoıý týraly talap-aryz joldady.
Sot sheshimimen departamenttiń talap-aryzy tolyq kólemde qanaǵattandyrylyp, jer ýchaskeleri memleket menshigine qaıtaryldy.
Budan buryn byltyr memleketke qansha zańsyz aktıv qaıtarylǵanyn jáne qarajat qaıda jumsalǵanyn jazǵan edik.
