Qyzylorda oblysynda esirtki ósirýmen aınalysqan 3 fıtozerthana joıyldy

QYZYLORDA. KAZINFORM – Nashaqorlyqqa qarsy kúresti úılestirý nátıjesinde oblysta esirtkini ósirýmen aınalysqan 3 fıtozerthana anyqtalyp, olardyń qyzmeti tolyǵymen joıylyp, kináliler qylmystyq jaýapkershilikke tartyldy.

Qazaqstan Respýblıkasy Bas Prokýrorynyń tapsyrmasyna sáıkes elimizdiń barlyq óńirlerinde«Nashaqorlyqqa jol joq» atty joba júzege asyrylyp otyr.  

Joba aıasynda esirtki zattarynyń zańsyz aınalymyna qatysty 287 qylmystyq is tirkelip, 174 sotqa joldanǵan.

Sonymen qatar esirtki zattaryn nasıhattaıtyn 18 jarnamalyq saıttar buǵattalyp, esirtkini jarnamalaıtyn jazbalary men graffıtılerdi joıý sharalary júrgizildi. 

Esirtkini jarnamalaý deregi boıynsha Qazaqstan Respýblıkasy Qylmystyq kodeksiniń 299-1-babymen (esirtki, psıhotroptyq zattardy nemese sol tektesterdi, prekýrsorlardy nasıhattaý nemese zańsyz jarnamalaý) 18 qylmystyq is qozǵalǵanǵ, - delingen prokýratýra habarlamasynda.

Joba tóńireginde halyqqa tanymal oqyrmandary aýqymdy blogerler arqyly áleýmettik jeliler men pablıkterde esirtkige qarsy úndeýler týraly aqparattyq túsindirý jumystary júrgizilip, 34 bılbord, 835 broshıýra paraqshalary taratyldy.

Jańashyl sharalardy birlesip oryndaý maqsatynda oblystyq prokýratýramen 31.10.2024j. «Nashaqorlyqqa jol joq» máselesi keńeıtilgen Úılestirý keńesinde qaralyp, oblys ákimi jáne oblys prokýrorymen birlesken jospar bekitilip, ýákiletti jáne qylmystyq qýdalaý organdaryna birneshe tapsyrmalar berildi.