Qyzylorda oblysynda esirtki ósiretin fıtozerthana joıyldy

ASTANA. KAZINFORM — ІІM esirtki qylmysyna qarsy is-qımyl bólinisi prokýratýranyń úılestirýimen Qyzylorda oblysynda jedel-izdestirý is-sharalarynyń nátıjesinde 40 jastaǵy er adamdy ustady. Bul týraly Polisia.kz jazdy.

Cyrdarııa aýdanynyń turǵyny óziniń úıinde asa iri mólsherde esirtki zatyn saqtap, qarasora ósirýmen aınalysqan. Keıin ony taratýdy kózdegen. Tintý barysynda ydystarǵa otyrǵyzylǵan 86 túp qarasora, esirtki zatyn ósirýge arnalǵan jabdyqtar, sondaı-aq eki dana plastıkalyq ydysqa salynǵan keptirilgen marıhýana tárkilendi. Jalpy 2,7 kg keptirilgen marıhýana jáne 10 kg qarasora ósimdigi anyqtaldy. Kúdikti ustaldy. Oǵan qatysty qylmystyq is qozǵaldy. Tergeý jalǵasyp jatyr.

Eske sala keteıik, buǵan deıin Pavlodarda esirtki zerthanasynan 20 keliden asa «Mefedron» tárkilengenin jazǵan bolatynbyz.