Qyzylorda oblysynda eń joǵary jalaqyny kimder alady?

QYZYLORDA. KAZINFORM – 2025 jyldyń birinshi toqsanyndaǵy jaǵdaı boıynsha Qyzylorda oblysyndaǵy bir qyzmetkerdiń ortasha aılyq ataýly jalaqysy – 354 856 teńge. Bul týraly oblystyq statıstıka departamenti habarlady.

Eń joǵary eńbekaqy kólik jáne jınaqtaý qyzmetine tıesili – 581 375 teńge.

Al eń tómengi jalaqyny aýyl, orman jáne balyq sharýashylyǵy salasynda eńbek etetinder alady – 166 570 teńge. 

Departament jumyssyzdyq statıstıkasyn da bólisti. 

– Bıylǵy birinshi toqsanda jumyssyzdar sany 16,9 myń adam shamasynda. Jumyssyzdyq deńgeıi – 4,8%. 15-34 jas aralyǵyndaǵy jastar arasyndaǵy jumyssyzdyq deńgeıi – 3,4%. NEET sanatyndaǵy jastar úlesi – 5,7%. Bul derek halyqtyń jumyspen qamtylýynyń iriktelgen zertteý qorytyndysy negizinde ázirlendi, - delingen habarlamada. 

Oblystyq statıstıka departamenti buǵan deıin Qyzylor oblysynyń demografııalyq kórsetkishin jarııalaǵan bolatyn.