Qyzylorda oblysynda eki magıstraldyq kanal tazalandy
ASTANA. KAZINFORM — Vegetatsııa kezeńine daıyndyq aıasynda «Qazsýshar» RMK Qyzylorda fılıaly Shıeli aýdanyndaǵy R-12 jáne O-2 magıstraldyq kanaldaryn mehanıkalyq ádispen tazalaý jumystaryn tolyq aıaqtady. Bul týraly Sý resýrstary jáne ırrıgatsııa mınıstrligi málim etti.
Atap aıtqanda, R-12 kanalynda uzyndyǵy 3,6 shaqyrym bolatyn ýchaske tazartylyp, 48,6 myń tekshe metr topyraq shyǵaryldy. Al O-2 kanalynda uzyndyǵy 3,8 shaqyrym ýchaske tazartylyp, 26,9 myń tekshe metr topyraq qazylyp alyndy. Sonymen qatar Jańaqorǵan aýdanyndaǵy «Kelintóbe» kanalyn tazalaý jumystary jalǵasyp jatyr. Búginge deıin josparlanǵan 15,9 shaqyrymnyń 13,7 shaqyrymy tazartylyp, 147,5 myń tekshe metr topyraq shyǵaryldy. Nysanda 20 tehnıka jumyldyrylǵan: 13 ekskavator, 5 tıegish jáne 2 býldozer.
– Tazalaý jumystaryn vegetatsııa kezeńi bastalǵanǵa deıin aıaqtaý josparlanyp otyr. Syrdarııa ózenindegi sý kóleminiń azaıýy týraly boljamdardy eskere otyryp, fılıal keshendi sharalardy qolǵa aldy. Atap aıtqanda, Shıeli jáne Qarmaqshy aýdandaryndaǵy kanaldarǵa sorǵy stantsııalaryn ornatý úshin jobalaý-smetalyq qujat ázirlenýde. Qazir jobalardy memlekettik saraptamaǵa usynýǵa daıyndyq júrgizilip jatyr,– dedi «Qazsýshar» RMK Qyzylorda fılıalynyń dırektory Najmadın Shamýratov.
Aıta keteıik, Soltústik Aral teńizin saqtaý jobasynyń ekinshi kezeńi ázirlendi.
