Qyzylorda oblysynda eki departamentke basshy taǵaıyndaldy
QYZYLORDA. KAZINFORM - Memlekettik eńbek ınspektsııasy komıteti Qyzylorda oblysy boıynsha departamentiniń basshysy taǵaıyndaldy.
Bul qyzmetke Memlekettik qyzmet isteri agenttiginiń kelisimimen Jumaǵulov Bektemir Ulybekulyn tanystyrdy.
B. Jumaǵulov 1983 jyly Aral aýdanynda dúnıege kelgen. Qorqyt ata atyndaǵy Qyzylorda memlekettik ýnıversıtetin «Quqyqtaný» mamandyǵy boıynsha bitirgen. QR Prezıdenti janyndaǵy Memlekettik basqarý akademııasy «Óńirlik damý» bilim berý baǵdarlamasynyń «Bıznes jáne basqarý» magıstri.
Eńbek jolyn 2003 jyly Qorqyt ata atyndaǵy Qyzylorda memlekettik ýnıversıteti «Arnaıy quqyqtyq pánder» kafedrasynyń laboranty bolyp bastaǵan. 2007-2018 jyldary Aral aýdandyq jer qatynastary, kásipkerlik, ónerkásip jáne týrızm bólimderiniń basshysy, aýdan ákimi apparatynda túrli jaýapty qyzmetter atqarǵan. 2018 jyldan osy kezge deıin Aral aýdany ákiminiń orynbasary bolǵan.
Sondaı-aq memlekettik qyzmet isteri agenttiginiń kelisimimen Qyzylorda oblysy boıynsha kóliktik baqylaý ınspektsııasynyń basshysy bolyp taǵaıyndalǵan Talekenov Erbol Sátbaıuly tanystyryldy.
Erbol Sátbaıuly 1983 jyly Aral aýdanynda dúnıege kelgen. Q.Jubanov atyndaǵy Aqtóbe óńirlik memlekettik ýnıversıtetin «Býhgalterlik esep jáne aýdıt», M.Tynyshbaev atyndaǵy Qazaq kólik jáne kommýnıkatsııalar akademııasyn «Kólikti paıdalaný jáne júk qozǵalysy men tasymaldaý» mamandyqtary boıynsha bitirgen.
Eńbek jolyn 2004 jyly «Global Trans Servıs Eýrazııa» jaýapkershiligi shekteýli seriktestiginde menedjer-logıst bolyp bastaǵan. 2006-2007 jyldary Astana qalasy Saryarqa aýdany boıynsha memlekettik kirister basqarmasynyń jetekshi mamany, 2007-2017 jyldary Kólik jáne kommýnıkatsııalar mınıstrliginiń Kólik komıtetinde maman, bas sarapshy, Soltústik Qazaqstan oblysy, Astana qalasy boıynsha kóliktik baqylaý ınspektsııalarynda bas maman, bólim basshysy, Investıtsııalar jáne damý mınıstrliginde basqarma basshysy bolǵan. 2017-2020 jyldary «Jolaýshylar tasymaly», «Temirjolsý» aktsıonerlik qoǵamdarynda prezıdent keńesshisi, «Temirjolsý-Aqtóbe» jaýapkershiligi shekteýli seriktestiginiń bas ınjeneri, 2020-2023 jyldary Aral aýdany ákiminiń orynbasary, Aral qalasynyń ákimi qyzmetterin atqarǵan.
2023 jyldyń qazan aıynan osy kezge deıin «Atameken» ulttyq kásipkerler palatasy logıstıka jáne tasymaldaý departamentiniń dırektory qyzmetin atqaryp keldi.
