Qyzylorda oblysynda eki aýdan ákimi saılandy
Saılaý qorytyndylaryna sáıkes Qyzylorda oblysynda eki aýdan ákimi saılandy. Halyqtyń tańdaýymen Syrdarııa aýdanyna Berik Sármenbaev, Shıeli aýdanyna Nurjan Ahatov ákim qyzmetine kiristi, dep habarlaıdy Kazinform.
Sármenbaev Berik Ábdiǵapparuly 1963jyly týǵan. Bilimi joǵary, 1985 jyly Almaty qalasyndaǵy arhıtektýra - qurylys ınstıtýtyn qurylys ınjeneri mamandyǵy boıynsha bitirgen.
Eńbek jolyn 1985 jyly «KazTorgstroı» RSÝ trestinde sheber qyzmetinen bastaǵan. 1994 jyldan bastap jaýapty laýazymdardy atqaryp, QR qarjy mınıstrliginiń keden basqarmasynda aǵa ınspektor, «Mehanıkalandyrylǵan jumys basqarmasy» JAQ-da bas dırektordyń orynbasary, Qyzylorda qalalyq sáýlet jáne qurylys bóliminiń bas mamany, Qyzylorda qalalyq jer resýrstar basqarý bóliminiń bas mamany, «Kazgrajdanstroıproekt» mekemesinde bas ınjener, Qyzylorda qalalyq sáýlet jáne qurylys bóliminiń bastyǵy, Qyzylorda qalasy ákiminiń orynbasary, «Nur Otan» HDP Qyzylorda oblystyq fılıalynyń qoǵamdyq qabyldaý bóliminiń meńgerýshisi boldy. Sondaı-aq, Qarmaqshy aýdany ákiminiń keńesshisi, Qarmaqshy aýdandyq turǵyn úı kommýnaldyq sharýashylyq bóliminiń bas mamany, Qarmaqshy aýdany ákiminiń orynbasary, Shıeli aýdany ákiminiń orynbasary, KB «Munaı Gaz» tehnıkalyq dırektorynyń orynbasary, Qyzylorda qalalyq jer qatynastary memlekettik mekemesiniń basshysy, Qyzyljarma aýyldyq okrýginiń ákimi, Qyzylorda qalalyq turǵyn úı-kommýnaldyq sharýashylyq jáne turǵyn úı ınspektsııasy bóliminiń basshysy, Qyzylorda qalasy ákiminiń orynbasary; «Melıorator» JShS-ń joba jetekshisi, Syrdarııa aýdany ákiminiń keńesshisi, Qyzylorda oblysynyń energetıka jáne turǵyn úı-kommýnaldyq sharýashylyq basqarmasy basshysynyń orynbasary qyzmetin atqarǵan.
2022 jyldyń 24 mamyrynda Syrdarııa aýdany ákiminiń orynbasary bolyp taǵaıyndalsa, 2023 jyldyń 12 sáýirinen bastap Syrdarııa aýdanynyń ákimi boldy.
Ahatov Nurjan Sábıtuly 1978 jyly Qyzylorda oblysy Shıeli aýdanynda týǵan. Joǵary bilimdi. 1999 jyly Qorqyt ata atyndaǵy Qyzylorda memlekettik ýnıversıtetin «Ekonomıst-býhgalter» mamandyǵy boıynsha, 2006 jyly Qazaq gýmanıtarlyq zań ýnıversıtetin «ıÝrısprýdentsııa» mamandyǵy boıynsha bitirgen.
Eńbek jolyn 2000 jyly Qyzylorda oblysynyń statıstıka jónindegi esepteý ortalyǵynyń jabdyqtaýshy mamany qyzmetinen bastaǵan.
2001-2008 jyldary Shıeli aýdany ákimi apparatynyń uıymdastyrý jáne kadr jumysy bóliminiń bas mamany, aýdan ákiminiń keńesshisi, aýdandyq ekonomıka jáne bıýdjettik josparlaý bóliminiń meńgerýshisi, aýdan ákiminiń orynbasary, aýdandyq kásipkerlik bóliminiń bastyǵy qyzmetin atqardy. Al 2008-2009 jyldary oblys ákimi apparatynyń uıymdastyrý-ınspektorlyq bóliminiń bas ınspektory, oblystyq kásipkerlik memlekettik basqarmasy bastyǵynyń orynbasary, 2009-2015 jyldary Shıeli aýdandyq ekonomıka jáne bıýdjettik josparlaý bóliminiń basshysy, Shıeli aýdany ákimi apparatynyń jetekshisi, Qyzylorda qalasy ákimi apparatynyń jetekshisi, Qyzylorda qalasy ákiminiń orynbasary boldy.
2015-2017 jyldary «Baıqońyr «Áleýmettik-kásipkerlik korporatsııasy» aktsıonerlik qoǵamy Basqarma Tóraǵasynyń birinshi orynbasary, 2017-2021 jyldary «Qyzylorda» avtobýs parki» jaýapkershiligi shekteýli seriktestiginiń dırektory, 2021-2022 jyldary Syrdarııa aýdany ákimi apparatynyń basshysy, 2022 jyldyń sáýir aıynan bastap «Baıqońyr» Áleýmettik-kásipkerlik korporatsııasy» aktsıonerlik qoǵamynyń Basqarma tóraǵasy qyzmetterin atqarǵan.
2022 jyldyń 15 shildesinde Shıeli aýdanynyń ákimi bolyp taǵaıyndaldy.
