Qyzylorda oblysynda eki adamdy toq soǵyp, mert boldy
QYZYLORDA. KAZINFORM - Qyzylorda oblysynda temir qubyrdy manıpýlıatormen kótergen kezde elektr togy soǵyp, eki adam qaza tapty, bireýi aýrýhanaǵa jatqyzyldy.
Oqıǵa búgin, 8 mamyrda Shıeli kentinde bolǵan. Oblystyq Tótenshe jaǵdaılar departamentiniń daǵdarys jaǵdaılarynda basqarý basqarmasyna saǵat 9.05-te aqparat kelip túsken.
«Saǵat 8.20-da temir qubyrdy manıpýlıatormen kótergen kezde (10 KVt joǵary voltty symǵa tıgen) elektr togynyń soǵýynan 2 adamnyń qaza tapqany týraly aqparat kelip tústi. Olardyń bireýi Qazaqstannyń 2000, ekinshisi Ózbekstannyń 1993 jylǵy azamattary ekeni anyqtaldy. Al 1993 jyly týǵan bir adam aýrýhanaǵa jatqyzyldy. Oqıǵa ornyna TJ departamenti, aýdandyq polıtsııa bólimi, jergilikti atqarýshy organ, aýdandyq elektr jelisi kompanııasynyń ókilderi bardy», - dep málim etti Qyzylorda oblystyq tótenshe jaǵdaılar departamentinen.
Departament mamandary kúndelikti ómirde jáne qoǵamda elektr qaýipsizdigi erejelerin qatań saqtaýdy suraıdy. Erejelerdi buzý óte qaýipti jáne elektr togynyń soǵýyna ákelýi múmkin.
Eske salsaq, budan buryn Qyzylorda oblysynda júk poıyzy 11 qoıdy qaǵyp ketti.
