Qyzylorda oblysynda bıýdjet qarajatyn óz maqsatyna paıdalanǵan bas esepshi sottaldy
QYZYLORDA. KAZINFORM - Qyzylorda oblysynda bıýdjet qarajatyn óz maqsatyna paıdalanǵan mekteptiń bas esepshi sottaldy.
Aral aýdanyndaǵy mekteptiń biriniń bas esepshisi bul zańsyz áreketin óziniń qyzmetin paıdalanyp, 2023 jyldyń qańtar-2024 jyldyń tamyz aıy aralyǵynda júzege asyrǵan. Ol shtattyq kestege sáıkes jalaqydan bólek óziniń esepshotyna negizsiz artyq qarjy aýdaryp, bas paıdasyna jaratqan.
- Bul is áreketi ár aı saıyn jalǵasyp kelgen. Eńbek demalysy kezinde de óziniń esepshotyna aqsha aýdarǵan.
Tergep-tekserý barysynda sottalýshynyń jasaǵan qylmystyq áreketi saldarynan memleketke jalpy somasy 20 mln teńgeden astam shyǵyn kelgen.
Sot sheshimimen bas esepshi QR Qylmystyq kodeksiniń 189-baby 4-bóliginiń 2)tarmaǵymen kináli dep tanyldy. Ol qarjylyq materıaldy jaýapty qyzmetpen aınalysý quqyǵynan 10 jylǵa shettetilip, 7 jylǵa bas bostandyǵynan aıyrý jazasy taǵaıyndaldy. Ol jazasyn qylmystyq-atqarý júıesiniń ortasha qaýipsiz mekemesinde óteıdi. Sondaı-aq, memleketke keltirilgen shyǵyndy úkim zańdy kúshine engen soń 2 aı merzimde óz erkimen memleket paıdasyna óndirý júkteldi, - dep málim etti Qyzylorda oblysy boıyynsha ekonomıkalyq tergep-tekserý departamentinen.
Eske salsaq, budan buryn Qyzylordada jol qurylysyna qatysty eki tehnıkalyq qadaǵalaýshy lıtsenzııasynan aıyryldy.