Qyzylorda oblysynda brýtsellez juqtyrǵan 70 mal soıyldy
QYZYLORDA. KAZINFORM — Adam men janýarǵa ortaq juqpaly brýtsellez aýrýynyń aldyn alý maqsatynda bıyl Qyzylorda oblysynda 866,1 myń maldan qan synamasy alynyp, tekserildi. Onyń basym bóligi — ýaq mal men múıizdi iri qara.
Oblystyq veterınarııa basqarmasy málimdegendeı, asa qaýipti juqpaly aýrýǵa qarsy zertteýge alynǵan qan synamalary men patologııalyq materıaldar veterınarııalyq zerthanalarda zertteldi.
— Nátıjesinde 42 sıyr, 28 ýaq maldyń qaýipti dertti juqtyrǵany anyqtalyp, veterınarııalyq-sanıtarııalyq talaptarǵa sáıkes ýaqytyly soıyldy. Qazirgi kúni oblys kóleminde asa qaýipti aýrýlar tirkelgen joq. Epızootııalyq jaǵdaı turaqty, — delingen basqarmanyń habarlamasynda.
Josparǵa sáıkes jyl sońyna deıin oblystaǵy 1697,9 myń bas tórt túlik jáne ıt, shoshqanyń qan synamasy zertteledi.
Buǵan deıin Aýyl sharýashylyǵy mınıstrligi veterınarııalyq qujaty joq mal ónimderin satqandardy qylmystyq jaýapqa tartýdy usynǵanyn eske salamyz.