Qyzylorda oblysynda brakonerden 14 qap kıik eti tárkilendi

QYZYLORDA. KAZINFORM - Qyzylordada polıtseıler «Brakoner» jedel-profılaktıkalyq is-sharasy barysynda quqyq buzýdyń 163 deregin anyqtady, - dep habarlaıdy Polisia.kz.

1-28 aqpan kúnderi aralyǵynda oblys kóleminde «Brakoner» jedel-profılaktıkalyq is-sharasy ótedi. Іs-sharanyń basty maqsaty - tabıǵat qorǵaý zańnamasyn buzýshylyqtardy, bıologııalyq resýrstar obektileri men ónimderiniń zańsyz aınalymyn anyqtaýǵa jáne jolyn kesýge, ekologııalyq qylmystardy ashýǵa baǵyttalǵan.

Júrgizilgen reıdter barysynda polıtseıler 20 kúnde tabıǵat qorǵaý zańnamalaryn buzýshylyqtyń 163 deregin anyqtady. Onyń ishinde 6 qylmystyq is jáne 157 ákimshilik quqyq buzýshylyq bar. Sondaı-aq janýarlar dúnıesin paıdalaný talaptaryn jáne ań aýlaý qaǵıdalaryn buzýdyń (QR ÁQBtK-niń 382-baby) 136 deregi anyqtaldy.

Zańsyz balyq aýlaýdyń (QR ÁQBtK-niń 383-baby) -12 , tirkelmegen qarýdy saqtaýdyń (QR ÁQBtK-niń 482-baby) - 5 deregi anyqtalyp, ákimshilik hattama toltyryldy.

Mysaly Qazaly aýdanynda Qyzylorda oblysy Polıtsııa departamenti jergilikti polıtsııa qyzmeti basqarmasynyń rota qyzmetkerleri jedel-aldyn alý is-sharasyn ótkizý barysynda Volkswagen avtokóligin toqtatty.

Tekserý barysynda avtokólikten 14 qapqa salynǵan kıik eti anyqtaldy, aıǵaq zat retinde tárkilendi. Tergeý áreketteri bastaldy. Saraptamalar taǵaıyndaldy. Kúdiktige qatysty sot úıqamaq túrindegi bultartpaý sharasyna sanktsııa shyǵardy.

Osyǵan deıin Qyzylorda oblysynda kıik múıizderin alyp kele jatqan turǵyn ustalǵany týraly jazdyq.