Qyzylorda oblysynda bir kúnde tergeýden boı tasalap júrgen úsh kúdikti qolǵa tústi
QYZYLORDA. KAZINFORM — Qyzylorda oblysynda bir kúnde tergeýden boı tasalap júrgen kúsh kúdikti qolǵa tústi.
Qyzylordalyq polıtseıler «Quqyqtyq tártip» jedel aldyn alý sharasy barysynda QR Qylmystyq kodeksiniń 296-babynyń 2-bóligimen kúdikti qatarynda tanylyp, tergeýden boı tasalap júrgen qala turǵynyn qolǵa túsirdi. Oǵan esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý boıynsha qylmystyq is qozǵalǵan edi.
— Kúdikti 2017 jyldyń qazan aıynda esirtki, psıhotroptyq zattar jáne sol tektester zattardy ótkizý maqsatynda saqtaǵan. Kúdiktige qatysty qamaýda ustaý túrindegi bultartpaý sharasy sanktsııalandy. Jedel ýákilder izdestirý sharalaryn júrgizý nátıjesinde 30 jastaǵy kúdiktini Almaty qalasynda ustady. Qazirgi ýaqytta ol ýaqytsha ustaý ızolıatoryna qamaldy. Jedel-profılaktıkalyq is-sharasy barysynda taǵy eki izdeýde júrgen kúdiktiler anyqtaldy.
Eske salsaq, budan buryn Qyzylorda oblysynda bıyl urlyq jasaǵan 299 adam qolǵa tústi.