Qyzylorda oblysynda bir kúnde 5 ákim saılanady
QYZYLORDA. KAZINFORM – Osy jeksenbi, ıaǵnı 21 maýsym kúni Qyzylorda oblysynda 1 qala, 1 kent, 3 aýyl ákiminiń saılaýy ótedi. Bul týraly oblystyq saılaý komıssııasy málimdedi.
Atap aıtqanda, Aral aýdanynyń Aral qalasy, Jalaǵash aýdanynyń Aqsý jáne Jańatalap aýyldyq okrýgteri, Shıeli aýdanynyń Shıeli kenti jáne Jıdeliaryq aýyldyq okrýginiń ákimderi saılanady.
- Aral qalasynda 22989, Aqsý aýyldyq okrýginde 1028, Jańatalapta 424, Shıeli kentinde 22669, Jıdeliaryq aýyldyq okrýginde 560 saılaýshy daýys berý quqyǵyna ıe. Saıası naýqanda barlyǵy 33 ýchaske jumys jasap, 230 komıssııa múshesi saılaýshylarǵa qyzmet kórsetedi. Jeksenbide ótetin 5 okrýgtegi saılaýda 16 kandıdat bıýlletenge engiziledi. Olardyń barlyǵy da ózin-ózi usynǵan. 16 kandıdattyń 59-ynyń senim bildirilgen adamy aýmaqtyq saılaý komıssııalarynan tıisti kýálik aldy, - delingen habarlamada.
Ýchaskege kele almaıtyn saılaýshylar 21 maýsym kúni saǵat 12.00-ge deıin ótinish berý arqyly úıden daýys berýge múmkindik alady.
20 maýsym – tynyshtyq kúni. Daýys berý tańǵy 07.00-den 20.00-ge deıin jalǵasady.
Eske salaıyq, Qyzylorda oblysynda bıyl alǵashqy ákim saılaýy 8 aqpan kúni Syrdarııa aýdanynyń Tereńózek kentinde ótken bolatyn.
