Qyzylorda oblysynda bir áýlettiń 10 kelini birge daýys berdi
QYZYLORDA. KAZINFORM — Qyzylorda oblysy Aral aýdanyna qarasty Aqırek aýyldyq okrýginde turatyn Eńsepovter áýletiniń 10 kelini bir mezette referendým ýchaskesine baryp, daýys berdi.
El bolashaǵy úshin mańyzdy kúnde birliktiń úlgisin kórsetken áýlettiń kelinderi óz tańdaýyn jasady.
Saıası naýqanda erekshe belsendilik tanytqan jandarǵa arnaıy syılyq tabystaldy.
«Búgin — el ómirinde mańyzdy kún. Respýblıkalyq referendýmda óz tańdaýyn jasaǵan kópshiliktiń sany az emes. Aral aýdanynyń jyraqta jatqan Aqırek aýyldyq okrýginiń turǵyndary da oǵan belsendi qatysyp jatyr. Biz de óz tańdaýymyzdy jasaýǵa arnaıy keldik», — deıdi olar.
Áýlettiń eń úlken kelini 89 jastaǵy apa Aıdynkúl Eńsepova bolsa, ol kisiniń tuńǵysh kelini Kúlzıpash Eńsepovanyń jasy 66-ǵa tolǵan. Al daýys berýge olardyń 19 jastaǵy kelini de keldi.
Eske salsaq, budan buryn respýblıkalyq refrendým aıasynda Qyzylorda oblysy Qarmaqshy aýdany Daýylkól aýyldyq okrýgindegi № 109 saılaý ýchaskesinde aqyn-jyraýlar daýys berdi.
Sondaı-aq munyń aldynda Qyzylorda oblysynda 103 jastaǵy maıdanger tańdaýyn jasaǵan edi.
