Qyzylorda oblysynda byltyr 17 bala terezeden qulap ketti
QYZYLORDA. KAZINFORM — Qyzylorda oblysynda byltyr 17 bala terezeden qulaǵan. Olardyń barlyǵy jaraqatyna baılanysty aýrýhanada emdelip shyqty.
Bul jóninde oblystyq tótenshe jaǵdaılar departamenti habarlady. Balalardyń terezeden qulaý jaǵdaıynyń basty sebebi — ata-analardyń balalardy baqylaýsyz qaldyrýy.
— Terezede ýaqytsha bekitkish tordyń bolmaýy men moskıt torynyń berik bekitilmeýi oqys oqıǵanyń tirkelýine alyp keledi. Oǵan qosa balalardyń terezeniń aldynda oınaýyna jol bermeý qajet. Bul baǵytta sala mamandary qaýipsizdik sharalaryna baılanysty úgit-nasıhat jumystaryn júrgizip keledi, — dep málim etti Qyzylorda oblysy Tótenshe jaǵdaılar departamentinen.
Vedomstvo málimetinshe, 2023 jyly oblysta 14 bala terezeden qulap, onyń 1-eýi qaza bolǵan. Al 2024 jyly dál osyndaı jaǵdaıǵa dýshar bolǵan. Olardyń barlyǵy aman qaldy, jaraqatyna baılanysty aýrýhanada emdelip shyqty.
Eske salsaq, budan buryn qutqarýshylar jolda turyp qalǵan eki kólikti qutqaryp, joǵalǵan malshyny tapty.