Qyzylorda oblysynda bıyl sý aıdyndarynda 21 adam qaza boldy
QYZYLORDA. KAZINFORM – Qyzylorda oblysynda bıyl sý aıdyndarynda ártúrli jaǵdaı men oqys oqıǵalar saldarynan 21 adam qaza boldy. Onyń ishinde 11-in balalar quraıdy.
Jergilikti turǵyndar tarapynan ózen nemese kanaldardyń zerttelmegen jerlerine shomylý jaǵdaıy kezdesedi. Sondaı-aq spırttik ishimdik iship sýǵa túsý, balalardyń eresekterdiń baqylaýsyz sý jaǵasyna barýy oqys oqıǵanyń tirkelýine alyp keledi.
«Bul jóninen aýdandar boıynsha Shıelide - 6, Jańaqorǵanda - 4, Qazalyda - 3, Aralda - 1, Syrdarııada - 2, Qarmaqshyda - 1 adam qaza bolsa, Qyzylorda qalasynda 4 adam tilsiz jaýdyń qurbanyna aınaldy. Olardyń arasynda baıqaýsyzda sýarmaly kanalǵa túsip ketken, belgisiz jaǵdaımen, sýǵa shomylý sebebinen qaza tapqandar bar. Byltyr 8 aıda 29 adam qaza bolǵan edi. Onyń 8-de balalardyń qazasy tirkeldi. Jyl basynan beri sý aıdyndarynda 8 adam qutqarylǵan. Sýda adamdardyń qaza bolýynyń negizgi sebebi - qaýipsizdik erejesin óreskel buzý», - dedi Qyzylorda oblysy Tótenshe jaǵdaılar departamenti Azamattyq qorǵanys basqarmasy bastyǵynyń mindetin atqarýshy Nurjigit Turǵanbaı.
Eske salsaq, budan buryn Qyzylordada kúıip qalǵan balalar tikushaqpen Almatyǵa jetkizildi.
