Qyzylorda oblysynda bıyl ınternet-alaıaqtyq qylmysynyń 199 deregi tirkelgen
QYZYLORDA. KAZINFORM - Qyzylorda oblysynda bıyl ınternet-alaıaqtyq qylmysynyń 199 deregi tirkelgen. Bul jóninde oblystyq Polıtsııa departamenti bastyǵynyń orynbasary Serik Toqtybaev málim etti.
Oblys kóleminde jyl basynan beri jedel izdestirý sharalary barysynda 74 qylmystyq is boıynsha kúdikti adam anyqtalyp, olardyń isi sotqa joldandy.
«Qazirgi ýaqytta ınternet pen tsıfrly tehnologııalardyń úzdiksiz damýyna baılanysty ınternet-alaıaqtyq qylmystary qoǵamnyń eń ózekti ári mańyzdy máselesine aınalyp otyr. Onyń túrleri de kún saıyn keń taralyp keledi. «IT-TERGEU» ınternet-alaıaqtyqty ashý boıynsha oblys ortalyǵynda «CyberPol» jedel tergeý toby qurylǵan. Prokýratýranyń bastamasymen «IT TERGEU» jobasy barysynda ınternet-alaıaqtyq qylmystaryn ashýǵa septigin tıgizetin 4 apparattyq-baǵdarlamalar alyndy. Onyń kómegimen jábirlenýshilerge keltirilgen 200 mln teńgeden astam zalal boıynsha 81 qylmys deregi ashyldy. Oǵan qosa 57 habar-osharsyz joǵalǵandar anyqtalyp, 53 qylmysker qolǵa tústi», - dedi Qyzylorda oblysy Polıtsııa departamenti bastyǵynyń orynbasary Serik Toqtybaev.
Eske salsaq, budan buryn Qyzylorda oblysynda bıyl beınekameralardyń kómegimen 122 qylmys ashyldy.
