Qyzylorda oblysynda bıyl boks klýby ashylady
QYZYLORDA.KAZINFORM - Bul jóninde oblystyq Dene shynyqtyrý, sport jáne týrızm basqarmasynyń basshysy Baqtııar Artaev málim etti.
- Qazir boksqa arnalǵan «Tarlan» keshenin oblystyq Dene shynyqtyrý, sport jáne týrızm basqarmasynyń teńgerimine alý jumystary júrgizilip jatyr. Bul máseleni tolyqtaı oryndap bitirdik. Jospar sátimen júrse, aldaǵy aıda Qyzylordada boks klýby ashylady. Onyń basshylyǵyna Qamshybek Qońqabaevqa usynys jasaımyz. Ol kisi elge qyzmet jasaımyn dese, qoldaý bolady. Odan bólek, Qulahmet Tursynbaı men Rýslan Sybaevty qarastyrýdamyz, - dedi basqarma basshysy.
Qyzylorda qalasyndaǵy «Tarlan» boks ortalyǵy 10 jyldan beri aty elge ǵana emes, álemge áıgili bolǵan shyn myqtylardy tárbıelegen orda. Bul nysan 2015 jyly Qazaqstan boks federatsııasynyń qoldaýymen ashylǵan bolatyn. Qazirgi tańda atalmysh ortalyq oblystyq dene shynyqtyrý, sport jáne týrızm basqarmasynyń teńgerimine berildi.
Sport kesheninde tájirıbeli bapkerlerdiń tóraǵalyǵymen boks, dzıýdo, taekvondo jáne aýyr atletıka bólimshelerimen qatar, arnaıy jattyǵý zaly da qamtylǵan.
Qazirgi ýaqytta boks bólimshesinde 120-ǵa jýyq bylǵary qolǵap sheberi dál osy keshende tyńǵylyqty daıyndyǵyn júrgizip jatyr. Olardyń qatarynda eresekter, jastar jáne jasóspirim uldar men qyzdar bar. Ortalyqtaǵy boksshylarǵa 16 jattyqtyrýshy belgilengen kúnderde óz daıyndyǵyn júrgizedi.
Sondaı-aq óńirdegi basqa sport túrlerinen jastar Daǵystan, Ázerbaıjan elderine baryp sheberligin shyńdap, tájirıbesin arttyrýǵa qol jetkizip otyr. Olar keıbir sport túrlerinen olımpıadalyq deńgeıi qalyptasqan elderde jattyǵý ótkizýine jaǵdaı jasaıdy.
Eske salsaq, budan buryn «Qaısar» bıyl sheteldik oıynshylardan bas tartty.