Qyzylorda oblysynda bıyl 4 adam Kongo-Qyrym gemorragııalyq qyzbasyn juqtyrdy

QYZYLORDA. KAZINFORM - Qyzylorda oblysynda bıyl Kongo-Qyrym gemorragııalyq qyzbasyn 4 adam juqtyrdy.

Oblysta Kongo-Qyrym gemorragııalyq qyzbasyna qolaısyz 115 eldi meken esepke alynǵan. Kenege qarsy kóktemgi óńdeý jumystary josparly túrde 2 kezeńmen júrgizildi.

«Bul jumystardyń sapasy men tıimdiligin arnaıy qurylǵan jumys toptary turaqty baqylap otyr. Óńdeý qorytyndysymen tıimdilik kórsetkishi mal qoralarynda 96,3 paıyz bolsa, mal basyna júrgizilgen óńdeý sapasy 92,3 paıyzdy qurady. Al 90 paıyzdan tómen bolyp anyqtalǵan Qarmaqshy, Jalaǵash, Syrdarııa aýdandary men Qyzylorda qalasyna qaıtadan núktelik óńdeý jasaldy. Jyl basynan beri oblys boıynsha Kongo-Qyrym gemorragııalyq qyzbasyna 10 kúdikti jaǵdaı tirkeldi. Onyń 4-eýi klınıkalyq-zerthanalyq jáne epıdemıologııalyq jolmen naqtylandy. Onyń ishinde Jańaqorǵanda -3, Shıelide - 1 derek anyqtalǵan», - dedi Qyzylorda oblysynyń sanıtarııalyq-epıdemıologııalyq baqylaý departamenti basshysynyń orynbasary Álııa Ábdiqaıymova.

Vedomstvo málimetinşe, bıyl turǵyndar arasynda 567 adam kene shaǵyp, medıtsınalyq kómekke júgingen. Olardyń barlyǵy tıisti em-dom jasalyp, 14 kún boıy medıtsınalyq baqylaýda boldy.

Eske salsaq, budan buryn Qyzylordada erte pisken qaýyn-qarbyzdy jegen 13 adam dárigerler kómegine júgingen.