Qyzylorda oblysynda bıyl 25 aýylda ákim saılaýy ótedi

QYZYLORDA. KAZINFORM — Qyzylorda oblysynda bıyl 25 aýylda jergilikti turǵyndar jańa ákimin tańdaıdy. Al naýryz aıynda shyǵyp qalǵan máslıhat depýtattarynyń ornyna saılaý ótedi.

Qyzylorda oblysynda kent, aýyldyq okrýg ákimderiniń saılaýy joǵary deńgeıde júrgizilýde. Aımaqta keıingi 3 jylda 117 aýyl ákimi saılanǵan. Ótken jyly 38 kent jáne aýyl ákiminiń saılaýy boldy.

Oblystyq aýmaqtyq saılaý komıssııasynyń tóraǵasy Ádilbek Ersultanovtyń aıtýynsha, bıyl 25 aýyl ákiminiń ókilettilik merzimi aıaqtalady. Sol aýyldarda jańadan ákimder saılanady.

«Aýyl ákimderin tikeleı saılaý tetigi engizilgen ýaqyttan beri aımaqta halyq 117 aýyl jáne kent ákimderine tańdaý jasady. Saılanǵan ákimderdiń 40 paıyzdan astamy partııadan emes, ózin-ózi usyný múmkindigin paıdalandy. Bıyl 25 ákimniń zań aıasynda ókilettilik merzimi aıaqtalady. Onyń ishinde Aralda — 3, Qazalyda — 5, Qarmaqshyda — 7, Jalaǵashta — 1, Syrdarııada — 2, Shıelide — 6, Jańaqorǵanda — 1 aýyl ákiminiń saılaýy ótedi. Barlyq saılaý protsesi ashyq ári ádilettilik prıntsıpine saı ótkizilýde. Saılaý ýchaskesi talapqa saı jabdyqtalyp, komıssııa músheleri zań aıasynda saılaýshylardyń quqyǵyn saqtaý baǵytynda jumys júrgizilip jatyr», — dedi Á.Ersultanov. 

Aıta ketsek, 31 naýryzda shyǵyp qalǵan máslıhat depýtattarynyń ornyna saılaýy ótedi. Bul boıynsha Qyzylorda qalasynda jáne Aral, Jańaqorǵan aýdandarynda saılaý uıymdastyrylady.

Eske salsaq, Qyzylorda oblysynda ótken jyly alǵash ret pılottyq negizde Syrdarııa jáne Shıeli aýdanynyń ákimi saılandy.