Qyzylorda oblysynda bıyl 14 bala terezeden qulap ketti
QYZYLORDA. KAZINFORM - Qyzylorda oblysynda bıyl 14 bala terezeden qulap ketti. Olardyń barlyǵy túrli jaraqatpen aýrýhanaǵa jetkizilgen.
Oblystyq tótenshe jaǵdaılar departamentiniń málimetine súıensek, jyl basynan beri buǵan qatysty 13 oqıǵa barysynda 14 bala terezeden qulap ketken.
«Ata-analardan kishkentaı balalardy qaraýsyz qaldyrmaýdy suraımyz. Moskıt tory balalardy terezeden qulaýdan qorǵaı almaıdy. Eresekterdiń qaraýynsyz balalardyń balkonǵa shyǵýyna ruqsat bermegen jón. Árbir balanyń ómirine ata-anasy jaýapty ekenin esten shyǵarmaǵan jón», - dep málim etti departamentten.
Osyndaı oqıǵa Qyzylorda qalasyndaǵy Jappasbaı batyr kóshesi boıyndaǵy kóp qabatty turǵyn úıdiń birinde tirkeldi. Sol úıde turatyn 2022 jylǵy bala tórtinshi qabattan qulap ketken. Ol túrli jaraqatpen aýrýhanaǵa jetkizilgen.
Aıta ketsek, byltyr mundaı 14 oqıǵa tirkelgen edi.
Eske salsaq, budan buryn Qyzylorda qalasynda bir kúnde 3 bala terezeden qulap ketti.
