Qyzylorda oblysynda bıyl 1,3 tonnadan astam esirtki tárkilendi

QYZYLORDA. KAZINFORM - Qyzylorda oblysynda bıyl zańsyz aınalymnan 1,3 tonnadan astam esirtki tárkilendi.

Qyzylorda oblysynyń polıtseıleri esirtki qylmysyna qarsy kúresti úzdiksiz júrgizip keledi. Bıyl jyl basynan beri zańsyz aınalymnan 1,3 tonnadan astam esirtki, onyń ishinde 48,9 keli marıhýana, 324,9 gramm sıntetıkalyq esirtki, 1 keli gashısh tárkilendi.

«Eki esirtki zerthanasy anyqtaldy. Jedel-izdestirý is-sharalarynyń nátıjesinde mef jáne a-PVP sıntetıkalyq esirtkini asa iri mólsherde tasymaldaýdyń tórt deregi belgili boldy. Bul baǵytta Qyzylorda, Aqmola jáne Aqtóbe oblystarynyń turǵyndary quryqtaldy. Esirtki jarnamasy bar 50-den astam graffıtı joıyldy. Áleýmettik jelide monıtorıng júrgizý barysynda «Kıberqadaǵalaý» aqparattyq júıesine sıntetıkalyq esirtkini jarnamalaıtyn 141 saıt buǵattaldy», - dep málim etti Qyzylorda oblystyq Polıtsııa departamentinen.

Eske salsaq, budan buryn Qyzylordada turǵyn úıge qaraqshylyq shabýyl jasap, eki adamdy aýyr jaraqattaǵan kúdikti sottaldy.