Qyzylorda oblysynda baqylaýshy organdar kásipkerlerge zańsyz talaptar qoıǵan
QYZYLORDA. KAZINFORM – Qyzylorda oblysy Shıeli aýdanynyń prokýratýrasy kásipkerlik qyzmetke zańsyz aralasý faktisin anyqtady.
Oblystyq prokýratýranyń baspasóz qyzmeti habarlaǵandaı, aýdandyq sanıtarııalyq-epıdemıologııalyq baqylaý basqarmasynyń qyzmetkerleri zańnama talaptaryn buza otyryp, eki kásipkerge qatysty memlekettik baqylaý jáne qadaǵalaý is-sharalaryn júrgizgen.
- Kásipkerler kásipkerlik sýbektileriniń tizilimine engizilgen kúnnen bastap 3 jyl merzim ótpegenine qaramastan, olarǵa anyqtalǵan buzýshylyqtardy joıý týraly nusqamalar shyǵarylǵan. Prokýrorlyq qadaǵalaý aktisi negizinde zańsyz shyǵarylǵan eki usynymnyń kúshi joıyldy. Jol berilgen zańbuzýshylyqtar úshin mekeme basshysy Ákimshilik quqyq buzýshylyq týraly kodekstiń 173-babynyń 1-bóligi boıynsha ákimshilik jaýaptylyqqa tartyldy, - delingen habarlamada.
Buǵan deıin Baıqońyr qalasynyń prokýratýrasy Qarmaqshy aýdandyq sanıtarııalyq-epıdemıologııalyq baqylaý basqarmasy tarapynan kásipkerlik qyzmetke zańsyz aralasý faktisin anyqtady.
