Qyzylorda oblysynda azamattardyń 35 mln teńgesin aldap alǵandar ustaldy

QYZYLORDA. KAZINFORM - Qyzylorda oblysynda 17 márte alaıaqtyq jasap, azamattardyń 35 mln teńgesin qaltaǵa basqan eki adam ustaldy.

Kúdiktiler memlekettik baǵdarlama boıynsha nesıe alýǵa kómektesetini jóninde ýáde bergen. Osylaısha jábirlenýshilerge qarjylaı zııan keltirgen.

«Polıtsııaǵa jábirlenýshilerdiń biri aryzdanǵan. Ol alaıaqtar nesıe alýǵa kómek beremin dep odan 7 mln teńge kóleminde qarajat alǵanyn aıtqan. Atalǵan derek boıynsha tergeý amaly júrgizilip jatyr. Ustalǵan kúdiktilerdiń oblys aýmaǵynda jasalǵan osyǵan uqsas alaıaqtyqtyń 17 deregine qatysy bary anyqtaldy. Jalpy keltirilgen materıaldyq shyǵyn - 35 mln teńge. Kúdiktiler ýaqytsha ustaý ızolıatoryna qamaýǵa alyndy», - dep málim etti Qyzylorda oblystyq Polıtsııa departamentinen.

Eske salsaq, budan buryn Qyzylorda oblysynda esirtki ósirgen qylmystyq toptyń 22 belsendi múshesi qolǵa tústi.